Ռուսաստանը կապահովի իր շահերը և կհասնի իր նպատակներին․ Պեսկով
Ռուսաստանը հատուկ ռազմական գործողություն է անցկացնում Ուկրաինայում՝ այլընտրանքային տարբերակների բացակայության պատճառով, սակայն շարունակում է պատրաստ լինել խաղաղ կարգավորման։ Այս մասին ճեպազրույցի ժամանակ հայտարարել է Ռուսաստանի նախագահի մամուլի քարտուղար Դմիտրի Պեսկովը։
«Ռուսաստանը պատրաստ է խաղաղ կարգավորման։ Ռուսաստանը ներկայումս շարունակում է իր հատուկ ռազմական գործողությունը՝ այլընտրանքների բացակայության պատճառով», - ընդգծել է Կրեմլի խոսնակը՝ նշելով, որ Մոսկվան պահպանում է իր բացությունն ու պատրաստակամությունը խաղաղ երկխոսության համար։
Ռուսաստանի առաջնորդի մամուլի քարտուղարը մեկնաբանելով Ֆրանսիայի նախագահ Էմանուել Մակրոնի հայտարարությունը, որում նա մեղադրել էր Մոսկվային «ռազմատենչ համառության» մեջ և սպառնացել «հատուցումով», եթե այն «չվերադառնա բանակցային սեղանի շուրջ» ասել է․
«Այսպես թե այնպես, Ռուսաստանը կապահովի իր շահերը և կհասնի իր նպատակներին», - վստահեցրել է Պեսկովը։
