Ռուսաստանը կարող է հարձակվել ՆԱՏՕ-ի վրա ավելի շուտ, քան կանխատեսվում է. ISW
Ռուսաստանը կարող է իրական սպառնալիք դառնալ ՆԱՏՕ-ի համար նույնիսկ մինչև 2036 թվականը: Նրա դիվերսիոն և լրտեսական գործունեությունը վկայում է Դաշինքի հետ հնարավոր պատերազմի նախապատրաստման մասին։ Այս մասին հայտնում են պատերազմի ուսումնասիրության ինստիտուտի (ISW) վերլուծաբանները:
Ռուսաստանի կողմից Եվրոպայում ռազմական բազաների և օբյեկտների դեմ անօդաչու թռչող սարքերի միջոցով շարունակական դիվերսիոն և լրտեսական գործողությունները կարող են վկայել, որ այն արդեն պատրաստվում է ՆԱՏՕ-ի հետ հնարավոր պատերազմի։
Վերլուծաբանները կարծում են, որ Ռուսաստանի հեռահար զենքերը և առաջադեմ անօդաչու թռչող սարքերի արտադրությունը անմիջական սպառնալիք են ներկայացնում ՆԱՏՕ-ի համար: Ռուսաստանը ակտիվորեն կառուցում է նոր ռազմական ուժեր և ստեղծում է անձնակազմի ռազմավարական պահուստ, որը կարող է օգտագործվել ինչպես Ուկրաինայում, այնպես էլ Դաշինքի դեմ հնարավոր պատերազմում: Սա ցույց է տալիս, որ Ռուսաստանը կարող է համալրել իր մարդկային ռեսուրսները՝ չնայած զգալի կորուստներին։
Մասնագետները կանխատեսում են, որ Ուկրաինայում ակտիվ ռազմական գործողությունների ավարտից հետո Ռուսաստանը կկարողանա արագորեն զգալի ռազմական ուժեր տեղակայել ՆԱՏՕ-ի արևելյան թևում։
Ինստիտուտից նշում են, որ Ռուսաստանը մշակում է նոր մարտավարություններ, որոնք թույլ են տալիս լայնածավալ մարտական գործողություններ իրականացնել առանց տանկերի և զրահատեխնիկայի լայնածավալ օգտագործման՝ սահմանափակելով թշնամու նման հնարավորությունները։
Վերլուծաբանները որևէ նշան չեն տեսնում, որ Կրեմլը կսպասի իր բանակի լիակատար վերակառուցմանը, նախքան ՆԱՏՕ-ի երկրների դեմ ագրեսիվ գործողություններ սկսելը: Նրանք զգուշացնում են, որ Ռուսաստանն արդեն մեծ փորձ է ձեռք բերում ժամանակակից պատերազմում և կարող է նոր սպառնալիքներ ներկայացնել Ուկրաինայում ռազմական գործողությունների ավարտից անմիջապես հետո: Հետևաբար, նրանք պնդում են, որ ՆԱՏՕ-ն պետք է պատրաստ լինի կանխելու և չեզոքացնելու այդ մարտահրավերները:
