Վերջերս հրաժարական տված Սեբաստիան Լըկորնյուն վերանշանակվել է Ֆրանսիայի վարչապետի պաշտոնում
Ֆրանսիայի նախագահ Էմանուել Մակրոնը Սբաստիան Լըկորնյուին վերանշանակել է վարչապետի պաշտոնում, այն բանից հետո, երբ նա հրաժարական էր տվել ընդամենը չորս օր առաջ և հետագայում հայտարարել, որ այլևս չի ցանկանում ղեկավարել կառավարությունը։
Ելիսեյան պալատը հայտարարել է Լըկորնյուի վերանշանակման մասին Մակրոնի կողմից իրեն տրված 48 ժամվա ժամկետի լրանալուց անմիջապես հետո։
Ելիսեյան պալատի հայտարարությունից հետո Լըկորնյուն X-ում գրել է, որ ընդունում է «իրեն վստահված առաքելությունը՝ պարտքի զգացումից ելնելով»։
Ուրբաթ կեսօրին Լեկորնյուի անսպասելի վերանշանակմանը նախորդել է նախագահի և խորհրդարանում ներկայացված բոլոր քաղաքական կուսակցությունների ղեկավարների միջև հանդիպումը։
Հանդիպման նպատակն էր համաձայնեցնել նոր կառավարության ծրագրերը, որը կկարողանա բյուջե ընդունել տարեվերջին՝ պատգամավորների մեծամասնության աջակցությամբ։
