Չինաստանը չի պատրաստվում հրաժարվել ռուսական նավթից

Չինաստանը մերժել է ռուսական նավթ գնելուց հրաժարվելու ԱՄՆ-ի պահանջները՝ հայտարարելով, որ կպաշտպանի իր էներգետիկ ինքնիշխանությունը:

Չինացի պաշտոնյաներն ընդգծել են, որ նավթի գնումները որոշվելու են երկրի ներքին քաղաքական պահանջմունքներով, և իրենք պատրաստ են վճարել մինչև 100 տոկոս մաքսատուրք:

Ի պատասխան՝ ԱՄՆ-ն նախազգուշացրել է, որ Կոնգրեսում նոր օրինագիծը թույլ կտա մինչև 500 տոկոս մաքսատուրքեր սահմանել ռուսական նավթի վրա, ինչը վերաբերում է նաև Չինաստանին:

ԱՄՆ-ն նաև դժգոհություն է հայտնել Ռուսաստան ավելի քան 15 մլրդ դոլարի երկակի նշանակության ապրանքների արտահանման կապակցությամբ:

Չինաստանի նման գործողությունները կարող են խաթարել նրա հեղինակությունը Եվրոպայում, որտեղ դա ընկալվում է որպես պատերազմի աջակցություն:

Չինաստանն ու ԱՄՆ-ն երեկ ևս 90 օրով երկարացրել են առևտրային հրադադարը, սակայն պարզ չէ, թե արդյոք Թրամփը հետագայում կարող է երկրորդական պատժամիջոցներ կիրառել: