Թրամփը որոշել է Ուկրաինա ուղարկել «Tomahawk» հրթիռներ
Սպիտակ տանը ունեցած ելույթի ժամանակ ԱՄՆ նախագահ Դոնալդ Թրամփը հայտարարել է, որ գործնականում որոշում է կայացրել Ուկրաինային «Tomahawk» հրթիռներ մատակարարելու վերաբերյալ, հաղորդում է «ՌԻԱ Նովոստի»-ն։
Ամերիկացի առաջնորդը հավելել է, որ կցանկանար հասկանալ, թե ինչպես է Կիևը մտադիր օգտագործել այդ թևավոր հրթիռները։
Երկուշաբթի օրը Պենտագոնի նախկին խորհրդական Դուգլաս ՄաքԳրեգորը գրել է, որ Ռուսաստանի և ԱՄՆ-ի միջև կարող է պատերազմ սկսվել, եթե Ուկրաինան օգտագործի «Tomahawk» հրթիռներ։
Հոկտեմբերի 5-ին Ռուսաստանի նախագահ Վլադիմիր Պուտինը, պատասխանելով լրագրող Պավել Զարուբինի հարցին, հայտարարել է, որ Ուկրաինային «Tomahawk» հրթիռների հնարավոր մատակարարումը կհանգեցնի Ռուսաստանի և ԱՄՆ-ի միջև հարաբերություններում ի հայտ եկած դրական միտումների ոչնչացմանը։
