ԱՄՆ-ն Իսրայելին երկու տարվա պատերազմի ընթացքում 21.7 միլիարդ դոլար է հատկացրել
Բրաունի համալսարանի նոր ուսումնասիրության համաձայն՝ 2023 թվականի հոկտեմբերի 7-ից՝ ԱՄՆ-ն Իսրայելին տրամադրել է առնվազն 21.7 միլիարդ դոլարի ռազմական օգնություն։
Associated Press-ի տվյալներով՝ պատերազմի առաջին տարում ԱՄՆ-ի օգնությունը կազմել է 17.9 միլիարդ դոլար, իսկ երկրորդում՝ մոտավորապես 3.8 միլիարդ դոլար։ Որոշ մատակարարումներ արդեն ավարտվել են, իսկ մնացածը կտրամադրվի պայմանագրերով առաջիկա տարիներին, ըստ զեկույցի։
Ավելին, ուսումնասիրության հեղինակները գնահատում են, որ Մերձավոր Արևելքում ռազմական ներկայության և գործողությունների համար ԱՄՆ լրացուցիչ ծախսերը երկու տարվա ընթացքում կազմում են 9.65-12 միլիարդ դոլար։
Պետդեպարտամենտը, Պենտագոնը և Սպիտակ տունը հրաժարվել են մեկնաբանել հրապարակումը։
