Մինչև 9 տարի ազատազրկում. Վրաստանում հանրահավաքի կազմակերպիչներին մեղադրանք է առաջադրվել

Վրաստանում հոկտեմբերի 4-ի հանրահավաքի կազմակերպչական կոմիտեի անդամներին, որի ընթացքում ցուցարարները փորձել էին գրոհել նախագահական պալատը, սպառնում է մինչև 9 տարվա ազատազրկում։ Այսօր նրանց մեղադրանք է առաջադրվել.

Մեղադրյալների թվում են Մուրթազ Զոդելավան, Իրակլի Նադիրաձեն, Պաատա Բուրչուլաձեն, ինչպես նաև Լաշա Բերիձեն, Պաատա Մանջգալաձեն:

Նրանց մինչև 9 տարի ազատազրկում է սպառնում` հատկապես կարևոր ռազմավարական օբյեկտ գրավելու խմբակային փորձի, խմբակային բռնություն կազմակերպելու և ղեկավարելու, ինչպես նաև կառավարությունը տապալելու և սահմանադրական կարգը բռնի կերպով փոխելու կոչերի մեջ։