Թրամփն այսօր հայտարարությամբ հանդես կգա. ԶԼՄ
ԱՄՆ նախագահ Դոնալդ Թրամփը սեպտեմբերի 30-ին, երեքշաբթի օրը, երկրի ռազմական ղեկավարության հետ հանդիպումից վերադառնալուց անմիջապես հետո, ելույթ կունենա Սպիտակ տան Օվալաձև աշխատասենյակից։ Հայտարարության թեման չի հրապարակվել, հաղորդում է ՏԱՍՍ-ը։
«Ժամը 11:00-ին (Երևանի ժամանակով 19:00-ին)։ Նախագահը հայտարարություն կանի», - նշված է վարչակազմի ժամանակացույցում։
Ելույթը կհետևի Թրամփի՝ Վիրջինիա նահանգի Քվանտիկո քաղաք կատարած այցին, որտեղ նա հանդիպել է պաշտպանության նախարար Փիթ Հեգսեթի և հարյուրավոր ամերիկացի գեներալների ու ծովակալների հետ։
Սեպտեմբերի 26-ին The Wall Street Journal-ը (WSJ), հղում անելով ԱՄՆ վարչակազմի և Կիևի աղբյուրներին, հաղորդել է, որ Թրամփը Նյու Յորքում իր ուկրաինացի գործընկեր Վլադիմիր Զելենսկու հետ հանդիպման ժամանակ հայտարարել է, որ բաց է Ռուսաստանի տարածքում հարվածներ հասցնելու համար հեռահար զենքի օգտագործման սահմանափակումները վերացնելու համար։
