Իրանը հետ է կանչել Գերմանիայում, Ֆրանսիայում և Մեծ Բրիտանիայում իր դեսպաններին

Իրանի արտգործնախարարությունը, ի պատասխան Գերմանիայի, Ֆրանսիայի և Մեծ Բրիտանիայի կողմից «snapback» մեխանիզմի գործարկմանն ուղղված գործողությունների, այդ երկրներում Իրանի դեսպաններին կանչել է Թեհրան՝ խորհրդակցությունների:

Ավելի վաղ Ռուսաստանն ու Չինաստանը փորձել են հետաձգել Իրանի դեմ միջազգային պատժամիջոցների վերսկսումը, սակայն ՄԱԿ-ի Անվտանգության խորհրդում այդ նախաձեռնությունը ձախողվել է: Միայն չորս երկիր է աջակցել բանաձևի նախագծին: