Քաղաքականություն

ՏԵՍԱՆՅՈՒԹ․ Իրանական ուժերը գրավել են «Իսրայելի հետ կապված» բեռնատար նավը

Իրանի Իսլամական հեղափոխության պահապանների կորպուսի (ԻՀՊԿ) ռազմածովային ուժերը Հորմուզի նեղուցում գրավել են MSC Aries առեւտրային նավը: Այս մասին հայտնում է իրանական IRNA գործակալությունը։Ավելի վաղ Մեծ…

Իրանի Իսլամական հեղափոխության պահապանների կորպուսի (ԻՀՊԿ) ռազմածովային ուժերը Հորմուզի նեղուցում գրավել են MSC Aries առեւտրային նավը: Այս մասին հայտնում է իրանական IRNA գործակալությունը։


Ավելի վաղ Մեծ Բրիտանիայի ռազմածովային ուժերին կից ծովային առեւտրային փոխադրումների համակարգման կենտրոնը հայտնել էր ԱՄԷ-ի ափերից ոչ հեռու ծովում տեղի ունեցած միջադեպի մասին: Իրանական ուժերը գնդակոծել են Պորտուգալիայի դրոշի ներքո ընթացող MSC Aries կոնտեյներային նավը։ Այս նավը կապված է բրիտանական Zodiac Maritime ընկերության հետ, որն իր հերթին իսրայելցի գործարար Էյալ Օֆերի Zodiac Group ընկերության մի մասն է։


Գործակալության տվյալներով՝ գրավված նավն ուղարկվել է Իրանի տարածքային ջրեր։


ԶԼՄ-ները գրում են, որ նավի վրա գտնվում են 20 ֆիլիպինցի նավաստիներ, բեռն ուղևորվում էր Հնդկաստան:


Հորմուզի նեղուցը և Արաբական ծովը նավթի և գազի մատակարարման հիմնական լոգիստիկ հանգույցներն են։ Պարսից ծոցի երկրներից նավթային տանկերները նրանց միջոցով տեղափոխում են ածխաջրածնային հումքի համաշխարհային սպառման ընդհանուր ծավալի մոտավորապես մեկ հինգերորդը Ճապոնիայի, Եվրոպայի և Միացյալ Նահանգների շուկաներում:




Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7310) Միջազգային (3204) ԱՄՆ (2274) Ռուսաստան (2072) Իրան (1731) Ընտրություններ (1270) Ուկրաինա (817) Երևան (793) Իսրայել (757) Ադրբեջան (610) Փաշինյան (557) Եվրոպա (510) Ընդդիմություն (432) Թրամփ (426) Ազգային ժողով (395)

Radio Aurora

Լսել Radio Aurora

Գովազդային տարածք

300x250