Նամակներ եմ ստանում` «ձեզ պետք է գյուլլել, ավտոդ պայթեցնել»․ Պապոյանը` Փարաքարի սպանության մասին
«Ինքս էլ բազմաթիվ նամակներ եմ ստանում, հրապարակում եմ անում ու ինչ-որ մեկը գրում է, թե «ձեզ պետք է սպանել, ձեզ պետք է «գյուլլել», ավտոդ պայթեցնել»: Երբեմն մենք էլ ենք մեղավոր. երևի ճիշտն այն է, որ բոլոր դեպքերն ուղարկենք իրավապահ մարմիններին»:
Այս մասին լրագրողների հետ զրույցում ասել է ՀՀ էկոնոմիկայի նախարար Գևորգ Պապոյանը՝ խոսելով Փարաքար համայնքի ղեկավար Վալոդյա Գրիգորյանի սպանության մասին:
Հարցին, թե բացթողումներ չի՞ տեսնում իշխանության կամ իրավապահ համակարգի կողմից, Պապոյանը պատասխանել է․
«Կարծում եմ՝ իրավապահ համակարգը պետք է, բնականաբար, քննի բոլոր առումներով՝ սկսած հայտնաբերումից, վերջացրած՝ թե ինչ պետք է արվեր, որ կանխարգելվեր։ Շատ դատապարտելի բան է տեղի ունեցել, ցանկացած բռնություն մեզ համար խստորեն դատապարտելի է»։
