Հարյուր անգամ ասել եմ՝ թող հրապարակի Ղարաբաղի վերաբերյալ բոլոր փաստաթղթերը. Լևոն Տեր-Պետրոսյան

Հարյուր անգամ ասել եմ՝ թող հրապարակի Ղարաբաղի վերաբերյալ բոլոր փաստաթղթերը, իր ձեռքի տակ են։ Չի հրապարակում, թող հրապարակի։ Այս մասին, այսօրՄատենադարանում լրագրողների հետ զրույցում նշել է ՀՀ առաջին նախագահ Լևոն Տեր–Պետրոսյանը՝ անդրադառնալով նրան, որ վարչապետ Նիկոլ Փաշինյանը նախկին երեք նախագահներին բանավեճի է հրավիրում, սակայն վերջիններս չեն գալիս։

Հարցին՝ եթե հրապարակի կգնա՞ք բանավեճի, Տեր–Պետրոսյանը պատասխանել է. «Եթե հրապարակի, վեճը վերջացած կլինի, որովհետեւ ամեն ինչ ասված է այնտեղ»։

Դիտարկմանը, որ անգամ հրապարակելուց հետո Փաշինյանը կարող է իրեն մեղադրել, նա կարճ արձագանքել է. «Թող մեղադրի»։

Նշենք, որ այսօր Մատենադարանում Լեւոն Տեր–Պետրոսյանի 80–ամյակին նվիրված միջազգային գիտաժողով է կազմակերպվել։