ՄԱԿ-ում Իրանի վերաբերյալ քվեարկությունը պարտավորություններ չի դնում երկրների վրա. ՌԴ ԱԳՆ
ՄԱԿ-ի Անվտանգության խորհրդում Իրանի դեմ պատժամիջոցների վերականգնման մասին բանաձևի նախագծի քննարկման արդյունքները որևէ պարտավորություն չեն դնում կազմակերպության անդամ պետությունների վրա, այս մասին հայտարարել է Ռուսաստանի դիվանագիտական առաքելությունը՝ փոխարտգործնախարար Սերգեյ Ռյաբկովի և ԵՄ 3 երկրների դիվանագետների միջև հանդիպումից հետո:
Նախարարությունը հայտարարել է, որ հանդիպման ժամանակ քննարկվել է «Համատեղ գործողությունների համապարփակ ծրագրին մասնակցող եվրոպական երկրների կողմից Իրանի դեմ ՄԱԿ-ի Անվտանգության խորհրդի նախկինում չեղարկված պատժամիջոցների բանաձևերը վերականգնելու մեխանիզմը ակտիվացնելու անօրինական փորձերի» հետ կապված իրավիճակը։
«Ռուսական կողմը նշել է, որ Մեծ Բրիտանիան, Գերմանիան և Ֆրանսիան չունեն նման գործողությունների համար իրավական հիմք և ընթացակարգային կարողություն», - ասվում է դիվանագիտական առաքելության մեկնաբանության մեջ։
«Շեշտվում է, որ Իրանի դեմ սահմանափակումների վերականգնման հարցի վերաբերյալ ՄԱԿ-ի Անվտանգության խորհրդում սեպտեմբերի 19-ին բանաձևի նախագծի քննարկման արդյունքները, դրանց իրավական անվավերության պատճառով, որևէ պարտավորություն չեն դնում ՄԱԿ-ի անդամ պետությունների վրա և չեն կարող հիմք հանդիսանալ Թեհրանի դեմ պատժամիջոցների առումով որևէ գործնական քայլի համար՝ կապված նրա միջուկային ծրագրի հետ», - ընդգծել է Ռուսաստանի արտաքին գործերի նախարարությունը։
