Իրանը փակել է արևմտյան օդային տարածքը. մանրամասներ

Իրանի քաղաքացիական ավիացիայի կազմակերպության ներկայացուցիչը հայտնել է, որ Իրանը փակել է երկրի արևմտյան հատվածի օդային տարածքը։

«Անվտանգության իրավիճակի գնահատման արդյունքների և NOTAM ծանուցման հրապարակումից հետո երկրի օդային տարածքի արևմտյան հատվածը փակվել է անորոշ ժամկետով», — IRNA գործակալությանը հայտնել է Մաջիդ Ախվանը։

Նա հորդորել է Իրանի բնակիչներին առանց անհրաժեշտության չդիմել օդանավակայաններ և թռիչքների վերաբերյալ տեղեկատվությանը հետևել լրատվամիջոցների միջոցով։

Ավելի վաղ Թուրքիայի արտաքին գործերի նախարար Հաքան Ֆիդանը իր իրանցի գործընկեր Աբբաս Արաղչիի հետ քննարկել է տարածաշրջանում լարված իրավիճակը և Իրանի ու ԱՄՆ-ի միջև բանակցությունների ընթացքը, հայտնել է թուրքական արտաքին քաղաքական գերատեսչության աղբյուրը՝ РИА Новости-ին։