Արմեն Խաչատրյանը՝ Բաքվում պահվող հայ գերիներին տեսակցելու հնարավորություն մասին
Ինչքան Հայաստանի և Ադրբեջանի միջև հարաբերությունները նորմալիզացվեն, դա էդքան կնպաստի նաև մեր գերիների վերադարձին։ Լրագրողների հետ ճեպազրույցում ասել է Ազգային ժողովի «Քաղաքացիական պայմանագիր» խմբակցության պատգամավոր, պաշտպանության հանձնաժողովի փոխնախագահ Արմեն Խաչատրյանը:
«Եվ հարաբերությունները պետք է նորմալիզացվեն շատ դեպքերում առանց նախապայմանի, չեմ ընդունում ընդդիմադիրների ասածը, որ պետք է նախապայմանի լինի, հետո հարաբերություններ սկսեն: Եթե նախապայմաններ դնենք, որևէ հարաբերություններ չի սկսվելու, իսկ դա մեր գերիներին էլ վնաս է լինելու», - ասաց Խաչատրյանը՝ արձագանքելով Հայաստանի Ազգային անվտանգության ծառայության ղեկավարի Բաքու այցի կապակցությամբ ընդդիմության քննադատության:
Հարցին, թե ԱԱԾ տնօրենը կփորձի նրանց տեսնել, պատգամավորը պատասխանել է․
«Մի բան հաստատ է, որ եթե հնարավորություն ունենա ինչ-որ տեղ օգնելու գերիների հարցը լուծելու, անպայման նա դա անելու է, դա առաջնային հարց է բոլորի համար», - ընդգծել է Խաչատրյանը:
Հավելենք՝ ԱԱԾ տնօրենը երկօրյա այցով մեկնել է Ադրբեջանի մայրաքաղաք՝ մասնակցելու «Անվտանգության 3-րդ միջազգային ֆորումին»:
