ԵՄ-ն քննարկում է ռուսական բնական գազի ներմուծման դադարեցման արագացումը
ԵՄ-ն քննարկում է ռուսական հեղուկացված բնական գազի ներմուծման փուլային դադարեցման արագացման հարցը՝ ռուսական նավթից հրաժարվելու ԱՄՆ նածագահ Դոնալդ Թրամփի կոչից հետո։
Bloomberg-ը հաղորդում է, որ Եվրամիությունը մշակում է միջոցներ՝ ռուսական հեղուկացված բնական գազի փուլային դադարեցման արագացման համար՝ ի պատասխան Թրամփի վարչակազմի՝ Մոսկվայի հետ էներգետիկ առևտուրը սահմանափակելու կոչերի։
Bloomberg-ի աղբյուրների համաձայն՝ ԵՄ-ի կողմից ներկայումս մշակվող նոր պատժամիջոցների փաթեթը կարող է ներառել դրույթ՝ մինչև 2027 թվականի վերջը ռուսական հեղուկացված բնական գազի ներմուծումը լիովին դադարեցնելու մասին։
Եվրահանձնաժողովը նաև քննարկում է RePowerEU ծրագրում փոփոխություններ կատարելու հարցը, որոնք ուղղված են ռուսական էներգիայից կախվածության վերացմանը։ Նախաձեռնությունը նախատեսում է արագացված անցում դեպի այլընտրանքային մատակարարման աղբյուրներ և ներքին էներգետիկ ենթակառուցվածքների զարգացում։
