Վիգեն Սարգսյանի գործը փոխանցվել է Հակակոռուպցիոն դատարան

Պաշտպանության նախկին նախարար Վիգեն Սարգսյանի մեղադրական վարույթը ընդհանուր իրավասության դատարանից փոխանցվել է Հակակոռուպցիոն դատարան: Այս մասին Radar Armenia-ին հայտնել են ՀՀ դատական դեպարտամենտից։

Նշենք, որ քրեական գործով Սարգսյանին մեղադրանք է առաջադրվել փողերի լվացման համար։

Ըստ մեղադրական եզրակացության՝ Սարգսյանը հանցավոր արարքների արդյունքում ստացել է օրինական եկամուտների չհիմնավորված, ապօրինի, առանձնապես խոշոր չափերի՝ 99․414․079 դրամ գումար, ապա դրա հանցավոր ծագումը թաքցնելու և խեղաթյուրելու նպատակով նշված գումարը փոխարկել է անշարժ գույքի՝ այդ կերպ օրինական տեսք հաղորդելով դրանց և կատարելով փողերի լվացում։