ՄԱԿ-ի հանձնաժողովը Գազայի հատվածում Իսրայելի գործողությունները ցեղասպանություն է ճանաչել
ՄԱԿ-ի հանձնաժողովը Գազայի հատվածում Իսրայելի գործողությունները ցեղասպանություն է ճանաչել:
Կազմակերպության նոր զեկույցում ասվում է, որ հիմքեր կան եզրակացնելու, որ միջազգային իրավունքով սահմանված ցեղասպանության հինգ ակտերից չորսը կատարվել են Իսրայելի կողմից 2023 թվականին ՀԱՄԱՍ-ի դեմ պատերազմի սկսվելուց ի վեր:
Դրանց թվում են խմբավորման անդամների սպանությունը, նրանց լուրջ մարմնական վնասվածքներ և հոգեկան խանգարումներ պատճառելը, խմբավորման ոչնչացման համար նախատեսված պայմանների կանխամտածված ստեղծումը և մանկածնության կանխումը:
Որպես ցեղասպանության մտադրության ապացույց՝ դրանում բերվում են Իսրայելի առաջնորդների հայտարարությունները և իսրայելական ուժերի վարքագծի մոդելը։
