Կարող էր սխալմունք լինել. Թրամփը՝ Ռուսական ԱԹՍ-ների Լեհաստան ներխուժման մասին
ԱՄՆ նախագահ Դոնալդ Թրամփը դատապարտել է ռուսական անօդաչու թռչող սարքերի ներխուժումը Լեհաստանի օդային տարածք, միաժամանակ այն կարծիքն է հայտնել, որ դա կարող էր տեղի ունենալ ոչ միտումնավոր, այլ՝ սխալմամբ, հաղորդում է Bloomberg-ը:
Մինչդեռ Վարշավան հայտարարել է, որ Ռուսաստանը կանխամտածված է հարձակվել Լեհաստանի վրա և խնդրել է խորհրդակցություններ անցկացնել ՆԱՏՕ-ի դաշնակիցների հետ՝ համաձայն Հյուսիսատլանտյան պայմանագրի 4-րդ հոդվածի:
Հիշեցնենք՝ Ռուսաստանի պաշտպանության նախարարությունը ասել էր, որ «չէր ծրագրել» հարվածել Լեհաստանում գտնվող թիրախներին: Լեհաստանի զինված ուժերի գլխավոր շտաբի պետ, գեներալ Վիեսլավ Կուկուլան էլ հայտնել է, որ լեհ զինվորականները Բելառուսից նախազգուշացում են ստացել անօդաչու թռչող սարքերի տեղաշարժի մասին:
