Facebook-ն ու Instagram-ը թույլատրել են բռնության կոչերը ռուս զինվորականների նկատմամբ

Ամերիկյան Meta ընկերությունը ժամանակավորապես թույլատրել է Facebook և Instagram սոցցանցերում բռնության կոչերը ռուս զինվորականների նկատմամբ՝ Ուկրաինայում իրականացվող ռուսական ռազմական հատուկ օպերացիայի ֆոնին, սակայն ՌԴ քաղաքացիական անձանց նկատմամբ դաժանության կոչերը նախկինի պես մնում են արգելքի տակ։

«Մենք ժամանակավորապես հասանելի են դարձրել քաղաքական արտահայտման ձևերը, որոնք սովորական իրավիճակում կխախտեին մեր կանոնները, այդ թվում՝ դաժան հռետորաբանությունը, ինչպիսին է, օրինակ, «մահ ռուս զավթիչներին»-ը։ Մենք թույլ չենք տա բռնության կոչեր ՌԴ քաղաքացիական անձանց նկատմամբ»,-գրել է Meta-ի ներկայացուցիչ Էնդի Սթոունը Twitter-ում։

Ավելի վաղ սպասվող փոփոխությունների մասին հայտնել էր Reuters-ը՝ նշելով, որ որոշ երկրներում Facebook-ն ու Instagram-ը չեն արգելափակի զինվորականների նկատմամբ բռնության, իսկ Լեհաստանում, Ռուսաստանում և Ուկրաինայում նաև ՌԴ և Բելառուսի նախագահների հասցեին հնչեցված մահվան կոչերը։