Ամեն անգամ նա գնում մեկ այլ ռումբ է նետում. Թրամփը՝ Պուտինի մասին
Ռուսաստանը դիտավորյալ ձգձգում է Ուկրաինայում հակամարտությունը։ Այս մասին ԱՄՆ նախագահ Դոնալդ Թրամփը հայտարարել է ռադիոհաղորդավար Սթիվ Ռոզենբերգի հետ հարցազրույցում։
Ամերիկացի առաջնորդի խոսքով՝ ամեն անգամ, երբ կողմերը շարժվում են բանակցություններում առաջընթացի հասնելու ուղղությամբ, Ռուսաստանը ձեռնարկում է գործողություններ, որոնք խոչընդոտում են կարգավորմանը։ Թրամփը նման վարքագիծն անվանել է «լիովին անընդունելի»։
«Թվում է, թե ամեն անգամ, երբ ես կարծում եմ, որ մենք մոտ ենք դրան, նա գնում և մեկ այլ ռումբ է նետում ինչ-որ մեկի վրա. դա բացարձակապես անընդունելի է», - ասաց Թրամփը։
Նրա խոսքով՝ Ուկրաինայի հակամարտության լուծումը թվում էր «ամենապարզը» Միացյալ Նահանգների համար, սակայն իրավիճակը բարդացավ «փոխադարձ թշնամանքի պատճառով» պետությունների ղեկավարների՝ Ռուսաստանի նախագահ Վլադիմիր Պուտինի և Ուկրաինայի առաջնորդ Վլադիմիր Զելենսկու մակարդակով։
