Ուկրաինական հակամարտության վերջնական լուծումը մոտ է. ՌԴ նախագահի հատուկ ներկայացուցիչ
«Ուկրաինական հակամարտության վերջնական լուծումը մոտ է: Փոխզիջումների որոնումը ընթանում է բնականոն տեմպերով: ԱՄՆ-ն կարող է իրերը տարբեր կերպ տեսնել թյուրըմբռնումների պատճառով»։
Այս մասին ասել է ՌԴ նախագահի հատուկ ներկայացուցիչ Կիրիլ Դմիտրիևը CNN-ին տված հարցազրույցում:
Ռուսաստանի նախագահի հատուկ ներկայացուցիչ Կիրիլ Դմիտրիևը հայտարարել է, որ Ռուսաստանը ցանկանում է Ուկրաինայի շուրջ հակամարտության դիվանագիտական և արագ կարգավորում։ Նա նաև ասել է, որ Ռուսաստանը ցանկանում է հնարավորինս շուտ ավարտել հակամարտությունը։
ՌԴ նախագահի հատուկ ներկայացուցիչը, որն այժմ գտնվում է ԱՄՆ-ում, հայտարարել է, որ կարծում է, որ երկու կողմերը մոտ են դիվանագիտական լուծմանը, որը վերջ կդնի պատերազմին։ «Զելենսկին մեծ քայլ է կատարել՝ արդեն ընդունելով, որ խոսքը առաջնագծի մասին է»,-ասել է պաշտոնյան:
