ՏԵՍԱՆՅՈՒԹ. Մադրիդում հարյուր հազարավոր մարդիկ դուրս են եկել ցույցի՝ ընդդեմ երկրի վարչապետի
Շաբաթ Մադրիդում Իսպանիայի վարչապետ Պեդրո Սանչեսի գործողությունների դեմ բողոքի ցույցին մասնակցել է մոտ 170 հազար մարդ, հայտնում է EFE գործակալությունը՝ վկայակոչելով երկրի իշխանությունների տվյալները։
Իրենց հերթին՝ ցույցի կազմակերպիչները հաշվել են 1 միլիոն քաղաքացու մասնակցություն։
Ավելի վաղ հաղորդվում էր, որ ցուցարարների թվում են եղել Իսպանիայի ժողովրդական կուսակցության ղեկավար Ալբերտո Նունյես Ֆեյջուն և «Ձայն» կուսակցության առաջնորդ Սանտյագո Աբասկալը։
Բազմահազարանոց ցույցի մասնակիցները դժգոհում են, որ Իսպանիայի վարչապետ Պեդրո Սանչեսը դաշինք է կնքել կատալոնական փոքր կուսակցությունների հետ։ Վարչապետի պաշտոնի դիմաց նա կատալոնացի անջատողականներին համաներում է խոստացել։
