Մենք «սյուրպրիզ» ունենք Պորտուգալիայի համար․ Եղիշե Մելիքյան
Հայաստանի ազգային հավաքականի գլխավոր մարզիչ Եղիշե Մելիքյանը վստահեցնում է՝ Հայաստանի հավաքականի ֆուտբոլիստների հետ կարելի է ճանապարհ գնալ։
«Ես իրենց հավատում եմ, վաղը ինչ կստացվի՝ չեմ կարող ասել, բարդից էլ բարդ է պատկերացնել ու գուշակել ելքը, բայց համոզված եմ, որ մենք պետք է տեսնենք ու զգանք փոփոխությունը խաղի ու նվիրվածության մեջ։
Դարպասապահի ընտրության հարցում որոշում կկայացնեմ վաղը, քանի որ Չանչարևիչը վնասվածք ունի և չի մասնակցի վաղվա խաղին: Վնասվածքի պատճառով Պորտուգալիայի դեմ խաղին չի մասնակցի նաև Ստյոպա Մկրտչյանը»,- Պորտուգալիայի հետ խաղից առաջ լրագրողների հետ հանդիպմանն ասաց Մելիքյանը:
Նա հայտարարել է, որ հավաքականի ներսում խնդիր չունի ոչ մեկի հետ, իր խնդիրը վաղվա հանդիպումն է Պորտուգալիայի դեմ։
«Իմ խնդիրը Պորտուգալիայի հետ հանդիպումն է, թիմի ներսում ես խնդիր չունեմ և երբեք չեմ ունեցել: Մենք «սյուրպրիզ» ունենք Պորտուգալիային և կարծում եմ կստացվի»,- ասել է Մելիքյանը։
