Զախարովան՝ ռուս-ամերիկյան հարաբերությունների և սպասվող բանակցությունների մասին

Ռուսաստանի և Ամերիկայի միջև բանակցությունների հաջորդ փուլի ամսաթիվը և վայրը ներկայումս համաձայնեցվում են։ Այս մասին հայտարարել է ՌԴ արտաքին գործերի նախարարության պաշտոնական ներկայացուցիչ Մարիա Զախարովան, գրում է «Ռիա Նովոստի»-ն։

«Ռուսաստանի և ԱՄՆ-ի միջև ռազմավարական երկխոսության վերսկսման քաղաքական հիմքը դեռևս ձևավորվում է»,- նշել է դիվանագետը։

Նրա խոսքով՝  երկու երկրների միջև ուղիղ չվերթերի վերականգնումը կլինի երկրների միջև փոխգործակցության բարելավման խորհրդանիշ։

Անդրադառնալով՝ ռուս-ուկրաինական հակամարտության շուրջ տարվող աշխատանքներին, դիվանագետը հավելել է․

«Արևմուտքը չի ցանկանում, բայց ստիպված կլինի աշխատել Ուկրաինայում հակամարտության արմատական պատճառների հետ»,- ասել է ՌԴ արտաքին գործերի նախարարության պաշտոնական ներկայացուցիչ Մարիա Զախարովան։