Իրանի ԱԳ նախարարը նամակ է գրել Եվրամիությանը՝ կոչ անելով անհապաղ վերսկսկել բանակցությունները
Եվրոպական եռյակի կողմից Թեհրանի դեմ ՄԱԿ-ի պատժամիջոցների վերականգնման գործընթացը նախաձեռնելուց հետո, Իրանի արտաքին գործերի նախարար Աբբաս Արաղչին նամակ է գրել Եվրամիության արտաքին գործերի և անվտանգության քաղաքականության հարցերով գերագույն ներկայացուցիչ Կայա Կալասին՝ հայտնելով իր պատրաստակամությունը վերսկսել Իրանի միջուկային ծրագրի շուրջ բանակցությունները, եթե Արևմուտքը ցանկանա։ Այս մասին հայտնել է Axios-ը՝ հղում անելով դիվանագիտական աղբյուրներին։
Հիշեցնենք՝ ավելի վաղ հայտնել էինք, Իրանի ԱԳ նախարարի խոսքերն այն մասի, որ «Թեհրանը համարժեք պատասխան կտա եվրոպական երկրների այս անօրինական և անարդարացի գործողությանը՝ իր ազգային իրավունքներն ու շահերը պաշտպանելու և ապահովելու համար»։
Նշենք, որ «եվրոպական եռյակ» երկրները՝ Ֆրանսիան, Գերմանիան և Մեծ Բրիտանիան, ՄԱԿ-ի Անվտանգության խորհրդի անդամներին տեղեկացրել են Իրանի դեմ պատժամիջոցների վերականգնման մեխանիզմի ակտիվացման մասին։
