71 միջազգային կորպորացիաներից 3.1 միլիարդ դրամ հարկեր` ՀՀ պետական բյուջե
71 միջազգային կորպորացիաներից 3.1 միլիարդ դրամ հարկեր են մուտքագրվել ՀՀ պետական բյուջե: Այս մասին ֆեյբության իր էջում գրել է ՊԵԿ նախագահ Էդուարդ Հակոբյանը:
Հուլիսի 1-ի դրությամբ ՀՀ-ում ֆիզիկական անձանց էլեկտրոնային ծառայություններ մատուցող ոչ ռեզիդենտ կազմակերպությունների հարկային բազան կազմել է մոտ 15.6 միլիարդ դրամ, որից պետական բյուջե վճարման համար կուտակվել է ավելի քան 3.1 միլիարդ դրամ ԱԱՀ։
Էլեկտրոնային ԱԱՀ համակարգն օգտագործել են 71 խոշոր միջազգային կազմակերպություններ։
Պետական եկամուտների կոմիտեի կողմից ներդրված էլեկտրոնային ԱԱՀ համակարգի շնորհիվ խոշոր միջազգային կորպորացիաները մեծացնում են ՀՀ պետական բյուջեի եկամուտները և նպաստում հարկային թափանցիկության աճին։
ՊԵԿ նախագահի գրառման մեջ նշված է. «Google, Facebook, TikTok, Spotify, Amazon, Netflix, Ebay և այլ կորպորացիաների ծառայություններից օգտվելով՝ Դուք մասնակցում եք նաև Հայաստանի պետական եկամուտների ավելացմանը»:
