Ռուսաստանը՝ չնայած սպառնալիքներին, շարունակում է Հնդկաստանին նավթ և նավթամթերք մատակարարել

Ռուսաստանը շարունակում է Հնդկաստան մատակարարել նավթ, ածուխ և նավթամթերք, և ներուժ է տեսնում հեղուկ բնական գազի արտահանման մեջ, այս մասին հայտարարել է Ռուսաստանի առաջին փոխվարչապետ Դենիս Մանտուրովը ռուս-հնդկական միջկառավարական հանձնաժողովի նիստում:

«Մենք շարունակում ենք վառելիք մատակարարել, այդ թվում՝ հում նավթ և նավթամթերք, ջերմային և կոքսային ածուխ։ Մենք տեսնում ենք ռուսական հեղուկացված բնական գազի արտահանման ներուժ», - ասել է նա:

Մանտուրովը նշել է, որ անմիջական մատակարարումներից բացի, Ռուսաստանում և Հնդկաստանում իրականացվում են համատեղ ներդրումային նախագծեր՝ ածխաջրածինների արդյունահանման և վերամշակման համար։

«Մենք ակնկալում ենք ընդլայնել համապարփակ համագործակցությունը խաղաղ միջուկային ոլորտում, այդ թվում՝ Կուդանկուլամի ԱԷԿ-ի կառուցման նախագծի հաջող փորձի հիման վրա», - հավելել է նա։

Հիշեցնենք՝ ավելի վաղ  Միացյալ Նահանգները հայտարարել էր, Հնդկաստանից ապրանքների ներմուծման տուրքերի 25%-ով (մինչև 50%) բարձրացման մասին՝ կապված ռուսական նավթի և նավթամթերքի գնման հետ։ ԱՄՆ նախագահ Դոնալդ Թրամփը քննադատել էր հանրապետությունը այն բանի համար, որ այն «իր ռազմական տեխնիկայի մեծ մասը միշտ գնել է Ռուսաստանից» և «Չինաստանի հետ միասին ռուսական էներգետիկ ռեսուրսների ամենամեծ գնորդն է»։

Հնդկաստանի արտաքին գործերի նախարարությունը անհիմն էր անվանել ԱՄՆ-ի և ԵՄ-ի կողմից ռուսական նավթի ներմուծման վերաբերյալ հարձակումները։ Ալյասկայում Ռուսաստանի նախագահ Վլադիմիր Պուտինի հետ բանակցություններից հետո Թրամփը խոստովանել էր, որ Վաշինգտոնը ներմուծման տուրքեր չի սահմանի Ռուսաստանի առևտրային գործընկերների վրա։