ՆԱՏՕ-ն անմիջականորեն չի մասնակցի Ուկրաինայի անվտանգության ապահովման ծրագրերի մշակմանը

ՆԱՏՕ-ն աջակցում է «կամավորների կոալիցիային» և ներգրավված է Ուկրաինայի համար անվտանգության համապատասխան ձևերի որոնման գործում, բայց անմիջական դեր չի խաղա այդ ծրագրերի մշակման գործում։ Այս մասին հայտնել է ANSA գործակալությունը՝ հղում անելով Բրյուսելի աղբյուրին։

Գործակալության տվյալներով՝ այս եզրակացությանն են հանգել ՆԱՏՕ-ի երկրների զինված ուժերի շտաբների պետերը։

Նշվում է, որ այս ուղղությամբ Դաշինքի գործընկերների կողմից ձեռնարկվող ցանկացած ջանք պետք է իրականացվի «առանց ՆԱՏՕ-ի պաշտպանական ծրագրերին վնաս հասցնելու»։