Եվրոպայից դուրս գտնվող երկրները կմասնակցեն Ուկրաինայի համար երաշխիքների մշակմանը. Ռուբիո
ԱՄՆ պետքարտուղար Մարկո Ռուբիոն հայտարարել է, որ Ուկրաինայի անվտանգության երաշխիքների մշակմանը և ապահովմանը կմասնակցեն ոչ միայն եվրոպացի դաշնակիցները, այլև Եվրոպայից դուրս գտնվող երկրները: Այս մասին նա հայտարարել է Fox News հեռուստաալիքին տված հարցազրույցում:
«Մենք կաշխատենք մեր եվրոպացի դաշնակիցների և, ի դեպ, ոչ եվրոպական երկրների հետ՝ այդ անվտանգության երաշխիքները ստեղծելու համար։ Մենք հենց հիմա աշխատում ենք դրա վրա», - ասել է ԱՄՆ պետքարտուղար Մարկո Ռուբիոն:
Նրա խոսքով՝ երաշխիքները պետք է «ստեղծվեն խաղաղության համաձայնագրից հետո, որպեսզի Ուկրաինան ապագայում իրեն անվտանգ զգա»։
