Ամերիկայի հույսերը՝ Պուտին-Զելենսկի հանդիպման հետ կապված. Axios

ԱՄՆ վարչակազմը հույս ունի, որ Ռուսաստանի և Ուկրաինայի նախագահներ Վլադիմիր Պուտինի և Վլադիմիր Զելենսկու միջև հանդիպումը կարող է կազմակերպվել մինչև օգոստոսի վերջը։ Այս մասին հայտնել է ամերիկյան Axios պորտալի լրագրող Բարաք Ռավիդը՝ հղում անելով աղբյուրներին։

«Իրավիճակին ծանոթ աղբյուրը հայտնել է, որ հույս կա Պուտինի և Զելենսկու միջև հանդիպում անցկացնել մինչև օգոստոսի վերջը», - գրել է նա X-ում։

Ավելի վաղ հայտնել էինք, որ ԱՄՆ նախագահ Դոնալդ Թրամփը հայտարարել էր՝ սկսել է նախապատրաստվել Պուտինի և Զելենսկու հանդիպմանը, որին, ինչպես սպասվում է, կհաջորդեն նրանց եռակողմ բանակցությունները։