Դատարանը քննում է Սամվել Կարապետյանի կալանքը երկարաձգելու միջնորդությունը

ՀՀ Հակակոռուպցիոն դատարանում քննվում է գործարար Սամվել Կարապետյանի կալանքը երկարաձգելու միջնորդությունը։ Սամվել Կարապետյանի աջակիցները հավաքվել են դատարանի բակում։

Հիշեցնենք՝ Սամվել Կարապետյանը կալանավորվել է հունիսի 18-ին, երկու ամսյա ժամկետով: Նա մեղադրվում է իշխանությունը զավթելու, սահմանադրական կարգը բռնի տապալելու հրապարակային կոչ անելու համար։ Կարապետյանը մեղադրանքը չի ընդունում, պաշտպանական խումբը պնդում է, որ նրան առաջադրված մեղադրանքը անհիմն է:

Կարապետյանը, հիշեցնենք, կալանավորվել է Հայ առաքելական եկեղեցուն սատարող հայտարարություն անելու համար:

ՀՀ Հահակոռուպցիոն դատարանի բակում լրագրողների հետ զրույցում գործարար Սամվել Կարապետյանի եղբորորդին՝ Նարեկ Կարապետյանը՝ պատասխանելով լրագրողի հարցերին, թե ինչ ակնկալիքներ ունի դատական նիստից, ասել է․

«Քանի որ իրավական պրոցեսներ չեն, քաղաքական պրոցեսներ են, չենք կարող ասել, որ այս կամ այն տրամաբանությամբ որոշում կկայացվի։ Կհասկանանք ՝ համարձակութուն կունենա՞ դատավորը գնալու քաղաքական ճնշումներին դեմ, թե ոչ»,- ասել է  Նարեկ Կարապետյանը։