Հայտնի է՝ ինչ դռներ կբացվեն Ամերիկայի համար, հայ-ադրբեջանական համաձայնագրի ստորագրումից հետո
ԱՄՆ Պետդեպարտամենտի խոսնակ Թեմի Բրյուսը ճեպազրույցի ժամանակ հայտարարել է, որ Ադրբեջանի և Հայաստանի կողմից Միացյալ Նահանգների հետ ստորագրված երկկողմ տնտեսական համաձայնագրերը նոր հնարավորություններ կբացեն ամերիկյան ժողովրդի և բիզնեսի համար։
«Ադրբեջանի և Հայաստանի առաջնորդները նաև երկկողմ տնտեսական համաձայնագրեր ստորագրեցին Միացյալ Նահանգների հետ, որոնք բացահայտում են Հարավային Կովկասի զգալի ներուժը առևտրի, տարանցման, էներգետիկայի, ենթակառուցվածքների և տեխնոլոգիաների ոլորտներում և նոր հնարավորություններ են ստեղծում ամերիկացիների և ամերիկյան ընկերությունների համար», - ասել է Բրյուսը։
Բրյուսը նաև նշել է, որ Հայաստանի և Ադրբեջանի միջև ստորագրված փաստաթուղթը հաստատում է, որ «նախագահ Թրամփն իսկապես աշխարհի նախագահն է»։
«Նախագահ Թրամփը շարունակում է ապացուցել, որ աշխարհի շատ պետություններ կարող են հաղթահարել երկարատև հակամարտությունները և շարժվել դեպի խաղաղության, բարգավաճման և հաջողության ընդհանուր ապագա», - հավելեց է նա։
Նա նաև նշեց, որ Դոնալդ Թրամփը հանձնառու է Ադրբեջանի և Հայաստանի միջև երկարատև խաղաղություն հաստատելուն։
«Ամբողջ աշխարհը գիտի, որ նա նախագահ Թրամփը ձգտում է երկրների միջև երկարատև խաղաղության՝ անկախ հակամարտությունների կամ մարտերի տևողությունից։ Միևնույն ժամանակ, ինչպես տեսանք, նա մնում է իրատես։ Նրա մոտեցումը հիմնված է դիվանագիտության վրա։ Սակայն նա պատրաստ է անել այն ամենը, ինչ անհրաժեշտ է՝ որպես Միացյալ Նահանգների նախագահ իր լիազորությունները լիարժեքորեն օգտագործելու և պատերազմներին վերջ դնելու համար», - ասել է ԱՄՆ Պետդեպարտամենտի խոսնակ Թեմի Բրյուսը։
Հիշեցնենք՝ օգոստոսի 8-ին Ադրբեջանի Հանրապետության նախագահ Իլհամ Ալիևը, ԱՄՆ նախագահ Դոնալդ Թրամփը և ՀՀ վարչապետ Նիկոլ Փաշինյանը ստորագրեցին համատեղ հայտարարություն՝ Ադրբեջանի Հանրապետության նախագահի և ՀՀ վարչապետի Վաշինգտոնում հանդիպման վերաբերյալ։ Փաստաթղթի կետերից մեկը վերաբերում է Ադրբեջանի հիմնական մասի և նրա Նախիջևանի Ինքնավար Հանրապետության միջև Հայաստանի տարածքով անցնող տրանսպորտային ճանապարհի ապաշրջափակմանը։
