Թուրքիան պատրաստ է հյուրընկալել Ուկրաինայի հարցով գագաթնաժողով

Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Ուկրաինայի նախագահ Վլադիմիր Զելենսկու հետ, որի ընթացքում նրանք քննարկել են երկկողմ հարաբերությունները, ինչպես նաև տարածաշրջանային և համաշխարհային հարցեր։

Էրդողանը նշել է, որ արժեքավոր է համարում Ստամբուլում ուկրաինա-ռուսական ուղիղ բանակցություններում ձեռք բերված առաջընթացը և հույս է հայտնել հաջորդ փուլերում «հրադադարի հարցում նշանակալի արդյունքների» հասնելու համար, ինչը քայլ կլինի դեպի կայուն խաղաղություն։

Թուրքիայի առաջնորդը հայտարարել է, որ Անկարան պատրաստ է հյուրընկալել առաջնորդների մակարդակով գագաթնաժողով և համոզված է, որ ռազմական, մարդասիրական և քաղաքական ոլորտներում աշխատանքային խմբերի ստեղծումը կհարթի ճանապարհը այս հանդիպման համար։

Էրդողանը շեշտել է, որ Թուրքիան շարունակելու է աջակցել Ուկրաինայի ինքնիշխանությանը և տարածքային ամբողջականությանը։