Տրանսպորտային կապերը բացվելու՛ են. Պապոյանը` ԱՄՆ-ում Փաշինյան-Թրամփ-Ալիև հանդիպման մասին

Էկոնոմիկայի նախարար Գևորգ Պապոյանը սոցցանցի իր էջում գրել է.

«Խաղաղություն լինելու՛ է։

Պատերազմ չի՛ լինելու։

Ապաշրջափակում լինելու՛ է։

Տնտեսական հզորացում լինելու՛ է։

Տրանսպորտային կապերը բացվելու՛ են։

Հայաստանը համաշխարհային առևտրային մեծ ուղու մաս լինելու՛ է։

Ու այս ամենը լինելու ՀՀ տարածքային ամբողջականության, ինքնիշխանության և իրավազորության ամբողջական պահպանմամբ և փոխադարձության սկզբունքի հիման վրա»։

Հիշեցնենք` Վաշինգտոնում վարչապետ Փաշինյանը երկկողմ հանդիպում կունենա Ամերիկայի Միացյալ Նահանգների նախագահ Դոնալդ Թրամփի հետ՝ Հայաստան-ԱՄՆ ռազմավարական գործընկերությունը խորացնելու նպատակով, ինչպես նաև եռակողմ հանդիպում՝ ԱՄՆ նախագահ Դոնալդ Թրամփի և Ադրբեջանի նախագահ Իլհամ Ալիևի հետ՝ միտված տարածաշրջանում խաղաղության, բարօրության և տնտեսական համագործակցության առաջմղմանը։