Շենքը քանդվում է, լցված է օձերով ու կարիճներով․ Վարդաշենի հանրակացարանի բնակիչների բողոքի ակցիան
Բոլորի կողմից անտեսված ենք, շենքը քանդվում է, օձերի ու կարիճների մասին էլ չեմ խոսում։ Ինչքա՞ն կարանք էդ օձերի մեջ ապրենք: Այս մասին հայտնել է քաղաքապետարանի դիմաց բողոքի ակցիա իրականացնող Վարդաշենի 9 փողոցի 70 հանրակացարանի (մուլտերի հանրակացարանի) բնակչուհին՝ նշելով, որ Վարդաշենի 6-րդ փողոցի վթարային 68, 68Ա հանրակացարանների բնակիչները շատ ճիշտ են արել, որ բողոքի ակցիաներ են իրականացրել:
«Մեր նման հիմար չեն, լռեն ու սպասեն։Ընդամենը 17 սենյակ է, ոչ ոք չի եկել, չի հետաքրքրվել մեր շենքի վիճակով, այնինչ պարոն Ավինյանը խոստացել է, որ այն երկու հանրակացարնների հետ բարելավում է կատարվելու»,- ասում է բնակչուհին՝ նշելով, որ Էրեբունու թաղապետն իրենց չի ընդունել և որ իրենք ևս բողոքի ակցիաներ են իրականացնելու։
