Հսկիչները կշրջեն՝ «զինված» սարքավորումներով․ Սուրեն Գրիգորյան
Արդեն երկրորդ օրն է՝ հսկիչները ստուգում են իրականացնում տրանսպորոտում։ Այն քաղաքացիները, ովքեր անպատասխանատու վարքագիծ էին դրսևորում, այլևս ստիպված են լինելու պատասխանատու վարքագիծ դրևորել: Այս մասին մամուլի ասուլիսի ժամանակ հայտնել է Երևանի քաղաքապետի տեղակալ Սուրեն Գրիգորյանը։
«Հսկիչները շրջելու են։ Աշխատանքը, կարելի է ասել, միջազգային ստանդարտի սահմաններում է։ Նրանք զինված են համապատասխան սարքավորումներով, որոնց միջոցով հնարավորություն ունեն ստուգելու՝ քաղաքացին վճարում իրականացրե՞լ է, թե՞ ոչ։ Այստեղ մենք գումարի հավաքագրման խնդիր չենք ուզում լուծել՝ տուգանքների տեսքով, ուզում ենք, որ քաղաքացիները վճարեն նախատեսված ուղեվարձը»,- ասել է Գրիգորյանը՝ նշելով, որ ամենամեծ տուգանքը նախատեսված է այլ քաղաքացու արտոնյալ քարտով երթևեկելու դեպքում։
Նշվել է նաև, որ մինչ այս պահը տուգանքներ չեն եղել, առայժմ իրազեկման աշխատանքներ են տարվել։
