Պեսկովը պատասխանել է Թրամփի՝ ԲՐԻԿՍ-ի մասին հայտարարությանը
ԲՐԻԿՍ-ն իր գործունեությունը չի ուղղում այլ երկրների դեմ և հակաամերիկյան կազմակերպություն չէ։ Այս հայտարարությունն արել է ՌԴ նախագահի մամուլի քարտուղար Դմիտրի Պեսկովը:
«ԲՐԻԿՍ-ը սպառնալիքներին չի պատասխանում։ ԲՐԻԿՍ-ն իր գործունեությունը երբեք չի ուղղում ինչ-որ երկրների դեմ. նման խնդիր չունի։ ԲՐԻԿՍ-ը ստեղծվել և զարգանում է, որպեսզի երկրները համագործակցեն փոխադարձ հետաքրքրություն և շահ ներկայացնող ոլորտներում: Սա է կազմակերպության նպատակը», - ասել է Պեսկովը լրագրողներին։
Ավելի վաղ ԱՄՆ նախագահ Դոնալդ Թրամփը հայտարարել էր, որ ցանկացած պետություն, որն աջակցում է ԲՐԻԿՍ-ի «հակաամերիկյան» քաղաքականությանը, հարկվելու է լրացուցիչ 10% մաքսատուրքով: Նա հավելել էր, որ ԲՐԻԿՍ-ը փորձում է այնպես անել, որ դոլարը զրկվի համաշխարհային պահուստային արժույթի կարգավիճակից։
