Իրանն ԱՄՆ-ի համար քննարկման առարկա չէ․ Իսմայիլ Բաղային
Իրանը դեռևս որևէ ծրագիր չունի ԱՄՆ-ի հետ բանակցելու համար։ Այս մասին մամուլի ասուլիսում հայտարարել է Իրանի արտաքին գործերի նախարարության պաշտոնական ներկայացուցիչ Իսմայիլ Բաղային, հայտնում է Tasnim գործակալությունը։
«Երկրի պաշտպանական ներուժը քննարկման առարկա չի լինի որևէ հնարավոր բանակցային գործընթացի ընթացքում», - նշել Իրանի ԱԳՆ պաշտոնական ներկայացուցիչը։
Հիշեցնենք՝ ԱՄՆ նախագահ Դոնալդ Թրամփն ավելի վաղ հայտարարել էր, որ «Իրանը շատ ուժեղ հարված է ստացել, և դա արդար է: Մենք չենք կարող թույլ տալ, որ նրանք ունենան միջուկային զենք»։
