Եվրամիությունը չի կարող երաշխավորել 600 միլիարդ դոլարի ներդրումներ ԱՄՆ տնտեսությունում
Եվրամիությունը խոստովանել է, որ չի կարողանա երաշխավորել 600 միլիարդ դոլարի ներդրումներ ԱՄՆ տնտեսությունում, գրում է Politico-ն:
Երկու եվրոպացի պաշտոնյաներ այս մասին հրատարակությանը հայտնել են Թրամփի հայտարարությունից մի քանի ժամ անց։
Politico-ն պարզաբանում է. գումարը չի ստացվի պետական ներդրումներից, այլ Եվրոպայի մասնավոր ընկերություններից, որոնք Բրյուսելը չի վերահսկում։ Զրուցակիցներից մեկը հավելել է, որ 600 միլիարդ դոլարի թիվը քննարկվել է բիզնեսի ներկայացուցիչների հետ՝ «նրանց ներդրումային մտադրությունները պարզելու» համար։
Տեղացի փորձագետները կասկածանքով են վերաբերվել այս գաղափարին, ասվում է հոդվածում։
