Նա ամեն ինչ ոչնչացրեց․ ԱՄՆ-ի աղմկահարույց հայտարարությունը Ռուսաստանի վերաբերյալ
ԱՄՆ պետքարտուղար Մարկո Ռուբիոյի հայտարարությունը, ըստ որի Վաշինգտոնն աջակցում է Կիևին, շատ բացասական ազդեցություն է ունեցել Ռուսաստանի հետ բանակցային գործընթացի վրա, կարծում է ԱՄՆ բանակի պաշտոնաթող փոխգնդապետ Դենիել Դևիսը։
«Ռուբիոն կտրուկ շրջադարձ կատարեց․ 2025 թվականի հունվարին մեկնարկած բանակցային գործընթացի վերաբերյալ ԱՄՆ վարչակազմի գաղափարին աջակցելուց նա անցավ ուղիղ հայտարարության, որ մենք «ընտրել ենք կողմ», և այդ կողմը Ուկրաինան է։ Դրանով նա ոչնչացրեց այն ամենը, ինչ տեղի ունեցավ Անքորիջում, ինչպես նաև ցանկացած այլ բանակցություն, որ մենք վարել էինք», - գրել է նա «Իքս» սոցիալական ցանցում։
Դևիսի կարծիքով՝ Վաշինգտոնը, հավանաբար, «խորապես կզղջա այս մեծամիտ և ճոռոմ որոշման համար»։
Ավելի վաղ Ռուբիոն Կոնգրեսում ունեցած ելույթի ժամանակ հայտարարել էր, որ ԱՄՆ-ն չի կարող համարվել անաչառ միջնորդ Ուկրաինայի կարգավորման գործընթացում, քանի որ Վաշինգտոնը աջակցում է Կիևին։
ՌԴ արտաքին գործերի նախարար Սերգեյ Լավրովը հիշեցրել է, որ անցյալ տարի Ալյասկայում կայացած գագաթնաժողովում Ռուսաստանի և ԱՄՆ-ի նախագահներ Վլադիմիր Պուտինը և Դոնալդ Թրամփը հստակ փոխըմբռնումների էին հասել այն մասին, թե ինչպես պետք է առաջ շարժվել ուկրաինական հակամարտության կարգավորման ճանապարհով։
Ավելի ուշ Լավրովը նշել է, որ Մոսկվան զարմացած է ԱՄՆ պետքարտուղարի այն հայտարարություններից, թե Վաշինգտոնը չի կարող լինել Ուկրաինայի հարցով միջնորդ։
Նմանատիպ հոդվածներ
Լավ նորություն՝ վարելու իրավունքից զրկվածների համար․ ԱԺ-ն ընդունեց նոր նախագիծը
Պահանջվում է՝ Նիկոլ Փաշինյանը հրապարակայնորեն ներողություն խնդրի Գագիկ Ծառուկյանից․ «Հետք»-ը մանրամասնում է
Ռուս գեներալի շոկային հայտարարությունը՝ Ադրբեջանի վերաբերյալ․ ինչ է սպասվում
Ինչո՞ւ է ՌԴ-ն սահմանափակում հայկական ապրանքները․ հայտարարություն՝ Մոսկվայից
Ավելին Քաղաքականություն բաժնից
Որևէ սցենարով չեն ընդունելու Ազգային ժողովի այս կազմի լեգիտիմությունը․ Նարեկ Կարապետյան
Իշխան Զաքարյանը պետությանը կվերադարձնի ավելի քան 304 մլն դրամ
Ռուսատյացության տգեղ պտուղները․ Զախարովայի արձագանքը Ռումինիային
