Էրդողանը ցանկանում է արագացնել Պուտին-Զելենսկի հանդիպումը

Թուրքիայի նախագահ Ռեջեփ Թայիփ Էրդողանը ցանկանում է արագացնել Ռուսաստանի նախագահ Վլադիմիր Պուտինի և Վլադիմիր Զելենսկու միջև Ստամբուլում հնարավոր հանդիպման կազմակերպումը, այս մասին հայտարարել է Թուրքիայի արտաքին գործերի նախարար Հաքան Ֆիդանը, գրում է «Ռիա Նովոստի»-ն:

«Առաջնորդների հանդիպման պայմանների և վայրի վերաբերյալ քննարկումները շարունակվում են։ Երկու կողմերն էլ՝ Ռուսաստանը և Ուկրաինան, ցանկություն են հայտնել հանդիպել Ստամբուլում, բայց ժամանման ժամանակի և պայմանների վերաբերյալ բանակցային գործընթացը շարունակվում է։ Որպես բանակցողներ՝ մենք փորձում ենք մերձեցնել Ռուսաստանի և Ուկրաինայի դիրքորոշումներն, որոնք այս հարցում շատ տարբեր են։

Մենք գիտենք ԱՄՆ նախագահ Դոնալդ Թրամփի կողմից գագաթնաժողովի նկատմամբ ցուցաբերած հետաքրքրության մասին։ Ընդհանուր առմամբ, մեր նախագահը ցանկանում է արագացնել այս գործընթացը, նա կարծում է, որ առաջնորդների հանդիպման շնորհիվ հնարավոր կլինի հաղթահարել պատվիրակությունների միջև բանակցություններում առկա մի շարք փակուղիներ», - ասել է Ֆիդանը Ստամբուլում կայացած մամուլի ասուլիսում։