Ռուսաստանում մի քանի րոպեի ընթացքում երկու երկրաշարժ է տեղի

Կամչատկայում տեղի է ունեցել երկու զգալի երկրաշարժ, տարածաշրջանի բնակիչները զգացել են մինչև երեք բալ ուժգնությամբ ցնցումները, հայտնել է Ռուսաստանի Արտակարգ իրավիճակների նախարարության տարածաշրջանային գլխավոր վարչությունը:

«Առաջին հետցնցումը տեղի է ունեցել Պետրոպավլովսկ-Կամչատկից 182 կմ արևելք՝ 16 կմ խորության վրա։ Դրա ուժգնությունը կազմել է 5.9 մագնիտուդ։ Մարզկենտրոնի բնակիչները այն զգացել են մինչև 2-3 բալ ուժգնությամբ։

Երկրորդ հետցնցումը տեղի է ունեցել մի քանի րոպե անց՝ Պետրոպավլովսկ-Կամչատկից 179 կմ հեռավորության վրա՝ 22 կմ խորության վրա։ Հետցնցման ուժգնությունը կազմել է 6.0։ Այս ցնցումը նույնպես զգացվել է մինչև 2-3 բալ ուժգնությամբ», - հաղորդում է գերատեսչությունը։