Մասկը խափանել է ուկրաինական հակահարձակումը. Reuters
2022 թվականի սեպտեմբերի վերջին Իլոն Մասկը SpaceX-ի Կալիֆոռնիայի գրասենյակի ավագ ինժեներին հրամայեց անջատել Խերսոնի մարզում գտնվող Starlink արբանյակային կապի համակարգը: Այս մասին հայտնում է Reuters-ը։
Արբանյակային կապի անջատումը հանգեցրեց անօդաչու թռչող սարքերի անջատմանը, որոնք հետևում էին ռուսական զորքերի դիրքերին, իսկ հրետանային ստորաբաժանումները, որոնք կախված էին Starlink-ից ՝ կրակը կարգավորելու համար, կորցրեցին ճշգրիտ հարվածներ հասցնելու հնարավորությունը: Դա թույլ չտվեց ուկրաինական բանակին շրջապատել ռուսական զորքերը Բերիսլավի շրջանում՝ Խերսոնից հյուսիս-արևելք։
Գործակալության աղբյուրները պնդում են, որ Մասկը նման քայլի է դիմել՝ վախենալով, որ ուկրաինական հաջող հարձակումը կարող է հրահրել ՌԴ-ի միջուկային պատասխանը:
