Կտեսագրվեն այն մեքենաների համարանիշները, որոնց վարորդները կխուսափեն կշռման գործընթացից
Կառավարությունը որոշում է ընդունել, համաձայն որի՝ կտեսագրվեն այն մեքենաների համարանիշները, որոնց վարորդները կխուսափեն կշռման գործընթացից։
Նախագծի հիմնավորումներում նշվում է, որ օրական տասնյակ վարորդներ խուսափում են կշռման գործընթացից, չեն ենթարկվում տեղադրված ճանապարհային նշանների պահանջներին։
Խոսքը Սյունիքի մարզի Սիսիան համայնքում (Մ-2 միջպետական նշանակության ավտոմոբիլային ճանապարհի 200+000 կմ հատված) տեղակայված ավտոմոբիլային սռնիների կշռման անշարժ հենակետի մասին է։
Կառավարությունը պլանավորում է նորարարական տեխնոլոգիաներ՝ տեսահսկման համակարգ ներդնել, ինչը թույլ կտա ֆիքսել կշռման հենակետը շրջանցող տրանսպորտային միջոցների համարանիշերը։
