Իրանն ու ԱՄՆ-ն մոտ են համաձայնությանը

Իրանական և ամերիկյան բանակցողները գրեթե համաձայնության են հասել Թեհրանի միջուկային ծրագրի շուրջ: Այս մասին հայտնել է The American Conservative ամսագրի սյունակագիր Թեդ Սնայդերը:

Նրա խոսքով՝ ավելի ու ավելի շատ ապացույցներ են վկայում այն մասին, որ մայիսի 23-ին Հռոմում կայացած բանակցություններում կողմերը քննարկել են երկու փոխադարձաբար ընդունելի տարբերակ. Իսլամական Հանրապետության կողմից ուրանի հարստացման շեմի սահմանումը՝ ԱԷՄԳ-ի կողմից վերահսկողության ներքո և իրանական տարածքում ուրանի հարստացման համար միջազգային կոնսորցիումի ստեղծումը։

Քուինսիի Պատասխանատու պետական կառավարման ինստիտուտի փոխնախագահ Թրիտա Փարսին, հարցազրույցում նշել է, որ այս երկու տարբերակներն էլ բավարարում են Իրանի ղեկավարության և ԱՄՆ նախագահ Դոնալդ Թրամփի վարչակազմի պահանջները:

Սակայն նշվում է, որ Թրամփը նախընտրել է դիմել ռազմական միջոցների, աջակցել Իրանի դեմ Իսրայելի ռմբակոծությունները, ապա հրաման է տվել ԱՄՆ զինված ուժերին հարվածել իրանական միջուկային օբյեկտներին։