Սպասվում է շատ դժվար զրույց. Պեսկով

Ռուս-ուկրաինական ուղիղ բանակցությունների երրորդ փուլը, ինչպես սպասվում է, հեշտ չի լինի: Սպասվում է շատ դժվար զրույց։ Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը։

«Բնականաբար, ոչ ոք նման «հեշտ ճանապարհ» չի սպասում։ Դա շատ դժվար զրույց կլինի։ Նախագծերը տրամագծորեն հակառակ են»,- ասել է նա:

Հիշեցնենք՝ Պեսկովը նաև նշել էր, որ Ստամբուլում բանակցությունների ընթացքում կքննարկվեն հիմնականում Ռուսաստանի և Ուկրաինայի հուշագրերի նախագծերի հետ կապված հարցեր: