Առանց մեծ աշխատանքի այս հնարավոր հանդիպումը պլանավորելը տեղին չէ. Պեսկով

Ռուսաստանի և Ուկրաինայի միջև հուշագրերի նախագծերի համաձայնեցման աշխատանքները Ռուսաստանի նախագահ Վլադիմիր Պուտինի և Ուկրաինային նախագահ Վլադիմիր Զելենսկու հնարավոր հանդիպման նախապատրաստություն են: Այս մասին հայտնել է Ռուսաստանի նախագահի մամուլի քարտուղար Դմիտրի Պեսկովը:

«Առանց նախնական մեծ աշխատանքի այս հնարավոր հանդիպումը պլանավորելը տեղին չէ»,- ասել է նա:

Պեսկովը նաև նշել է, որ Ստամբուլում բանակցությունների ընթացքում կքննարկվեն հիմնականում Ռուսաստանի և Ուկրաինայի հուշագրերի նախագծերի հետ կապված հարցեր:

Բանակցությունների ընթացքում կքննարկվեն նաև գերիների և զոհվածների մարմինների փոխանակման շարունակականությունը: