Սիրիան պաշտոնապես օգնություն է խնդրել Թուրքիայից

Թուրքիայի ազգային պաշտպանության նախարարության ներկայացուցիչը, պատասխանելով սիրիական Էս-Սուվեյդա քաղաքում տեղի ունեցած բախումների և Դամասկոսի վրա Իսրայելի հարձակումների մասին հարցերին, հայտարարել է.

«Իսրայելի հարձակումների վերջին ակտիվացումը, հատկապես Էս-Սուվեյդի հարավային շրջանում, սրել է լարվածությունը դրուզյան համայնքի և Դամասկոսի կառավարության միջև։ Թուրքիան վճռական դիրքորոշում է պահպանում Սիրիայի տարածքային ամբողջականության պաշտպանության, կայունության ապահովման և ահաբեկչական կազմակերպությունների դեմ պայքարի հարցերում:

Ազգային պաշտպանության նախարարությունը սերտորեն համագործակցում է Սիրիայի նոր կառավարության հետ: Սիրիայի կառավարությունը պաշտոնապես դիմել է Թուրքիային՝ խնդրելով աջակցել երկրի պաշտպանունակության ամրապնդմանը և բոլոր ահաբեկչական կազմակերպությունների, մասնավորապես՝ ԻՊ-ի դեմ պայքարին: Ի պատասխան այս խնդրանքի՝ մենք շարունակում ենք ուսումնական, խորհրդատվական և տեխնիկական աջակցություն ցուցաբերել Սիրիայի պաշտպանունակության ամրապնդման համար»: