Օկուպացված Արցախում բռնկված հրդեհները շարունակվում են. չպայթած զինամթերք է հայտնաբերվել
Օկուպացված Արցախում՝ Ակնայում և Մարտակերտում, երեկ երեկոյան բռնկված հրդեհները շարունակվում են, հրդեհների գոտիներում հայտնաբերվում է չպայթած զինամթերք: Այս մասին հայտնում է Apa.az ադրբեջանական լրատվականը:
Այրվում են Ակնայի և Մարտակերտի մոտակայքում գտնվող անտառներն ու արոտավայրերը, կրակը տարածվում է հարակից տարածքներ: Տեղում աշխատում են հրշեջ բրիգադները։
Նշվում է, որ տարածքի աղտոտվածությունը ականներով և չպայթած զինամթերքով բարդացնում է հրդեհաշիջման աշխատանքները և սպառնալիք է ներկայացնում հրշեջների համար։
Ավելի վաղ հայտնել էինք, որ Ադրբեջանական ԶԼՄ-ների հաղորդմամբ՝ այրվում են Աղդամի (Ակնա) և Մարտակերտի մոտակայքում գտնվող անտառներն ու արոտավայրերը:
